Astudio hyblyg

Cyrsiau byr a rhan-amser

Eich dyfodol chi. Eich ffordd chi.

Rydym yn deall fod hyblygrwydd yn bwysig i chi, eich gweithlu a’ch cydweithwyr, a bod gan bawb wahanol uchelgeisiau, gwahanol ffyrdd o fyw eu bywydau a gwneud lle i’r holl bethau y maent eisiau eu gwneud.

O theatr a pherfformio i fusnes, o gelf a dylunio i waith ieuenctid a chymuned – mae ein graddau israddedig i gyd wedi eu rhestru yma.
Mae ein cyrsiau byrion, a redir ar y cyd ag Arloesiadau Glyndŵr yn aml, yn amrywiol a ffocysedig. Maent yn cynnwys sgiliau cyflwyno, cyflwyniad i iechyd a diogelwch, hyfforddi gweithredol, rheolaeth (o reolaeth newid i gadwynau cyflenwi i ddadansoddi systemau), a llawer mwy.

Astudio rhan-amser

Cyrsiau byr

Cyrsiau ar gyfer cyrff

Opsiynau eraill

Astudio rhan-amser

Mae yna lawer o resymau dros fod eisiau astudio yn rhan-amser, boed hynny oherwydd fod arnoch eisiau opsiwn astudio a fydd yn cyd-fynd â swydd neu anghenion teulu neu os ydych yn dymuno astudio mewn rhyw faes yn eich amser hamdden er eich diddanwch eich hun. Beth bynnag fo eich rhesymau, mae gennym nifer o gyrsiau rhan-amser ar gael mewn ystod o lefelau, o gyrsiau proffesiynol hyd at astudiaeth uwchraddedig.

Os nad ydych wedi astudio unrhyw beth ers sbel, beth am gael golwg ar ein hadran Mynd yn Ôl i Astudio ble gallwch ddod o hyd i lawer o gyngor i’ch helpu chi gychwyn arni.

Cyrsiau byr

Mae Prifysgol Glyndŵr yn cynnig llawer o’r modiwlau sy’n gwneud gradd lawn fel cyrsiau astudio unigol.

Mae’r rhain yn ffordd dda o ddatblygu gwybodaeth mewn pwnc neu faes penodol a gallant hefyd fod yn ffordd wych o ddarganfod sut beth yw astudio mewn prifysgol.

Os nad ydych wedi astudio unrhyw beth ers sbel, beth am gael golwg ar ein hadran Mynd yn Ôl i Astudio ble gallwch ddod o hyd i lawer o gyngor i’ch helpu chi gychwyn arni.

Cyrsiau ar gyfer cyrff

Mae gennym nifer o ddatrysiadau addysg uwch wedi’u cynllunio i ddatrys anghenion hyfforddi seiliedig-ar-waith.

Mae ein gwaith tîm hyfforddi a datblygu yn gweithio gyda chyrff yn yr ardal i gynnig cymorth wrth asesu a chyflawni anghenion datblygiad proffesiynol parhaus cyflogedigion.

Mae’r cyrsiau yn amrywio o astudio modiwlau unigol fel cyrsiau byr hyd at raddau a chyrsiau proffesiynol a astudir yn rhan-amser. Mae gan hyfforddiant fanteision enfawr i gyflogwyr a chyflogedigion fel ei gilydd.

Mae Arloesiadau Glyndŵr hefyd yn gallu ffynonellu a chyflenwi cyrsiau hyfforddi pwrpasol ar gyfer grwpiau o gyflogedigion sydd â’r un gofynion hyfforddi o fewn corff. Mae’r rhain yn gyrsiau wedi’u teilwra’n arbennig y gellir eu cynllunio’n unigol er mwyn cwrdd ag anghenion hyfforddi.

Gellir eu cyflenwi o fewn y corff sy’n cyflogi, yn y Brifysgol neu yng Nghanolfan Rheolaeth Glyndŵr y Brifysgol yn Stad Ddiwydiannol Wrecsam.

Manteision hyfforddi

I gyflogedigion

• Mae cyflogedigion yn gallu datblygu eu sgiliau a’u hyder er mwyn cyrraedd eu potensial
• Galluogi cyflogedigion i gael profiad ymarferol a dysgu ar yr un pryd
• Mae cyrsiau byr ac astudio rhan-amser yn golygu y gellir ennill cymwysterau heb adael y gweithle neu orfod cymryd amser i ffwrdd o’r gwaith
• Gwella set sgiliau cyflogedigion ac effeithlonrwydd yn y gwaith
• Galluogi cyflogedigion i ennill cymhwyster lefel prifysgol
• Arbed amser ac arian i gyflogedigion trwy gyfuno dysgu gyda phrosiectau seiliedig-ar-waith perthnasol

I gyflogwyr

• Cynyddu morâl y staff trwy dalu sylw i’w hanghenion dysgu sydd yn ei dro yn cynyddu lefelau ysgogaeth ac yn lleihau lefelau athreuliad
• Galluogi eich cwmni i fod yn fwy cystadleuol trwy ddatblygu sgiliau lefel-uchel eich cyflogedigion
• Gallwch lunio’r cynllun dysgu i gyd-fynd â’ch amcanion busnes cyffredinol
• Galluogi eich cwmni i fod yn fwy effeithlon heb i’r cyflogedigion orfod gadael eu gweithle i fynd i’r brifysgol

Opsiynau eraill

Byth wedi dod o hyd i’r hyn yr oeddech yn chwilio amdano?

Os nad ydych wedi bod ym myd addysg ers tro, a ydych wedi ystyried cwrs Mynediad i Addysg Uwch a fydd yn eich paratoi ar gyfer astudio ar lefel prifysgol? Wedi’u cynnig mewn ystod o feysydd pwnc, gellir astudio’r cyrsiau yn llawn amser dros gyfnod o flwyddyn neu’n rhan-amser dros gyfnod o ddwy flynedd, ac mae eu cwblhau’n llwyddiannus yn eich galluogi i gael y mynediad angenrheidiol i addysg uwch.

Rhedir y rhain yn lleol mewn llawer o golegau addysg bellach, gan gynnwys  Coleg Iâl a Choleg Glannau Dyfrdwy. Mae’n bosib y bydd gan golegau addysg bellach yn eich ardal chi hefyd opsiynau rhan-amser a allai fod o ddiddordeb i chi.